كيكة الربيع مع عجينة الفوندان

المقادير

1/4 كوب ماء
1/4 كوب (corn syrup) شراب الذره
icing sugar اربع علب او اكياس- سكر بودره
ملون طعام - ازرق - اخضر- احمر- اصفر

الطريقه





نستخدم علبه واحده من السكر البودره و أنا شريته جاهز لحتى يكون ناعم جداً وابيض ناصع لصنع الحلويات ,
نضيف كيس السكر إلي الماء و corn syrup
بخلطهم وبمزجهم كويس بالخفاقه او مضرب اليد
وبعدين بقوم بإضافة باقي السكر بالتدريج و تحريكه
عند الوصول إلى مرحلة انو تبلش تصير عجينة منصير نعجن الخليط بِإستخدام اليد
وهون بتصير بدها عجن كويس ودعك بالايد بدها عضلات هي المرحله جدااااااااااا متعبه بتصير بتدريج شوي شوي تضيف السكر وتعجني ليصير معك عجينه ناعمه ومتماسكه
بالنسبه للتلوين
بتصير تقطعيها داوئر حسب الالوان شو بدك
بتجيبي كل قطعه مكوريتها بتلبسي كفوف بعدين بعود خشب بتاخدي من اللون وبتحطي على العجينه وبتعجينيها لتاخد اللون اللي بدك اياه
معلش بدهااااااا طولة بال كثير اد ما تتصوروووووووو
لو لاحظتي بأنو العجينة صارت طريه بس ضيفي شوية من السكر البودره ورح ترجع متماسكة
وبعد ما تخلصي من التلوين بتلفي كل قظعه بنايلون المطبخ عشان ما يدخلها هوا بالمره لفيها كويس
وبعدين حطيها بتبروير تسكريه كويس حتى ما يدخللها هوا وحطيها بتلاجه لوقت ما بدك تستعمليها للكيك
الكيك كيك ساده عادي باي نكهة بتحبيه وحشوات زي ما بدك وكريمة عادية استعملت دريم ويب